መዝሙር 95
እቲ ብርሃን እናበርሀ ይኸይድ ኣሎ
(ምሳሌ 4:18)
-
1. ነብያት ኪፈልጡ ሃንቀውታ ኣሕዲሮም፣
ነቲ ተስፋ እተገብረሉ፣
መንፈስ ኣምላኽና ኣነጺሩ ነይሩ፡
እቲ መድሓኒ ዝመጸሉ።
ግዜ ኣኺሉ፡ መሲሕ ዚነግሰሉ፣
ኣብዚ ኸም ዘሎ ርግጽ’ዩ።
ብዛዕባ’ዚ’ዩ ኸምዚ ዚብል ዘሎ፦
‘መላእኽቲ’ኳ ይምነዩ።’
(ኣዝማች)
ብቐትሪ ኢና ’ንመላለስ፣
በሪሃ’ላ መገድና።
’ንሆ ይገልጸልና ኣምላኽና፣
ይመርሖ ንስጕምትና።
-
2. ጐይታና ሸይሙ ኣስተውዓሊ ባርያ፡
ብግዜኡ ዚምግበና።
ድሙቕ ብርሃን ሓቂ ይበርህ ኣሎ፣
ብቐሊሉ ዚርድኣና።
ትበርህ ኣላ ’ታ መገዲ ጻድቃን፣
ቀትሪ ዀይና መገድና።
ምስጋና ይኹን ነቲ ምንጪ ሓቂ፡
ንየሆዋ ልዑል ኣምላኽና።
(ኣዝማች)
ብቐትሪ ኢና ’ንመላለስ፣
በሪሃ’ላ መገድና።
’ንሆ ይገልጸልና ኣምላኽና፣
ይመርሖ ንስጕምትና።
(ሮሜ 8:22፣ 1 ቈረ. 2:10፣ 1 ጴጥ. 1:12 እውን ርአ።)
