KARANTAHON 95
An Kapawa Nagtitikalamrag
-
1. Mga propeta naghulat kan Jesus,
An paglaom han katawohan.
An Dios naghayag, maabot an Kristo
Ha paghatag han kaluwasan.
An Mesias nagmamando na yana;
An iya presensya klaro.
Makalilipay gud nga hibaroan;
Bisan anghel interesado!
(KORO)
An dalan nga at’ ginlalaktan
Nagigin mas malamrag pa.
An ginhahayag han Dios kit-a;
Pirme hiya naggigiya.
-
2. Ginpili, kasarigan nga uripon,
Basi pagkaon maihatag.
Kamatuoran nagtitikahayag,
Nagigin mas makaruruyag.
Nagtitikalamrag an aton dalan;
Mapawa an aragian.
Salamat, O Dios han kamatuoran;
Dalan mo amon ginlalaktan.
(KORO)
An dalan nga at’ ginlalaktan
Nagigin mas malamrag pa.
An ginhahayag han Dios kit-a;
Pirme hiya naggigiya.
(Kitaa liwat an Roma 8:22; 1 Cor. 2:10; 1 Ped. 1:12.)
