1. La ni an liv ki ka ban moun tjè kontan.

I ka ban lézòm èspwa èk djèwté.

I byen valowab èk I ni an pil fòs

pou édé nou lè nou dékouwajé.

Liv sen sala sé Bib-la Pawòl Bondyé.

Bondyé té sèvi lézòm pou ékwi’y.

Yo sété moun ki té enmen Jéhova.

Lèspwi’y té djidé sa yo té ékwi.

2. Yo té ékwi konsèné kwiyasyon Dyé.

Mannyè Bondyé té kwéyé tout bagay.

Yo fè nou sav Adanm èk Èv té pawfé

èk kouman yo té pèd an bèl lavi.

Osi yo di nou konsèné an lèspwi

ki pa té vlé Dyé Jéhova kondwi.

Sé sa ki fè nou ni péché èk lanmò.

Mé Bondyé kay wanjé tout sa touswit.

 3. Lè-a wivé, nou ni wézon pou wéjwi

pis Bondyé ja fè Jézi vini Wa.

Nou ka di tout moun kouman Wéyòm Bondyé

kay mennen bennédiksyon pou tout tan.

An Bib-la nou ka jwenn bon nouvèl sala.

Nou byen kontan pou mèdité asou’y.

Liv sala ka vwéman ban nou bon konsèy.

Papa Bondyé mèsi pou Pawòl Ou.