1. Кудай берген эрјинедий бичик бар,

Кижиликке сӱӱнчи, амыр берет.

«Сокорлордыҥ» ол кӧстӧрин ачып јат.

Јобошторго јӱрӱм ле јӧп берет.

Кайкамчылу сый — Кудайдыҥ Сӧзи ол.

Кудай тыныла бу Сӧс чӱмделген.

Оныҥ чечен сӧстӧри кайкадып јат.

Тузаланган кижи ойгор јӱрер.

2. Бу бичиктеҥ јӱрӱм башталганын ла

Кудай табын чике билип алдыс.

Элдеҥ озо кижи толо кемиле

Ада Кудайды мактап, сӱӱндирди.

Кычырадыс: тӱймеп чыкты бир ангел,

Иегованыҥ јаҥын ол јектеди.

Эмди кинчек ле шыраны кӧрӧдис,

Је Кудайыс јеҥер бу ӧштӱни.

 3. Кайкамчылу чынды билип алганыс.

Ширееге отурды Иисус Кааныс.

Келер ӧйдиҥ алкыштарын алзын деп,

Каандык јарды улуска айдадыс.

Бу Агару Бичикте сӱӱнчилӱ јар

Кӧгӱс ийделе јеткилдейт бисти.

Јӱрӱмниҥ учурын бу Сӧс ачып јат,

Эрјинегис бистиҥ — Кудай Сӧзи.