1. Fluwa kun o lɛ’n, ndɛ nga be klɛli nun’n

Maan klɔ sran’m be kwla di aklunjuɛ kpa.

I nun ndɛ’n leman wunsu, ɔ le ta kpa.

Ɔ man nguan, ɔ tike sran mun be ɲin.

Fluwa sɔ’n m’ɔ fin Ɲanmiɛn’n yɛle Biblu’n.

Ɲanmiɛn yɛ maan sran’m be klɛli ndɛ’n niɔn.

Sran sɔ mɔ be klo be Ɲanmiɛn Zoova kpa’n,

I wawɛ’n maan be kwla ɲannin wunmiɛn.

2. Be kan ninnge nga Ɲanmiɛn yili’n be ndɛ

Kɛ i wunmiɛn’n ti yɛ mɛn’n wo lɛ ɔ.

Be kannin kɛ laa’n fɔ nunman klɔ sran nun,

Sanngɛ i mɛn klanman’n ɔ wa mlinnin.

Kpɛkun be kannin anzi kun wie i ndɛ.

Ɔ jasoli Ɲanmiɛn i sielɛ’n wun.

I sɔ’n kpɛli sa tɛ’n nin ɲrɛnnɛn’n be ba.

Sanngɛ ɔ ka kaan sa Zoova wá kwlá.

 3. Andɛ’n aklunjuɛ nga e di’n ɔ wieman:

Klist di Ɲanmiɛn Sielɛ’n nun famiɛn siɛn’n.

Ɔ maan e bo Sielɛ sɔ’n i jasin fɛ’n

E se sran’m be kɛ bé wá ɲán be ti.

Ndɛ fɛ sɔ’m be o Ɲanmiɛn i fluwa’n nun,

Maan e fa aliɛ fɛfɛ sɔ’n e di.

Fɔundi ng’ɔ man sran’n, ɔ lemɛn i wunsu,

Maan sran kwlakwla nian fluwa sɔ’n i nun.