1. Taʼ ñwaʼni be là ndù njoñ ba mfe mi fa,

Be mfà tsiañde bo nywinde njù sagkuà.

Njoñ nkwade fa, zʼa be ntùm bwe feʼà Ywèt Nsi

Nke ngaʼ miag “mfùmiag,” mfà yôg ba “fe ben.”

Yen ñwaʼni ndùb là bʼa “Ntshob Nsi” zʼa làn nà.

Ywèt nelàne naʼ mbèn ntènde ben bo ki.

Benntùn bo nkôni ndùb mfà num Yaweh Nsi,

Nu tshùa njam Ywèt tse ntshob nu num lén Nsi.

2. Bo naʼ ki ñwaʼni nsoñ mba Nsi nab njù là,

Bo ze neta nabte njoñ tshu fa fa.

Nsoñ tshô benntùn, ngelañ bo naʼ ndàn miagde

Mbèn ntshob ju zʼa ghù be bi Paradis.

Mbe nèn mbwe mbagde mba taʼ tshùagkèt angél

Naʼ ndañde Nsi mbèn ntshabte ze netô.

Ntèn benntùn maʼ ntùm mfànnu bo nenywine,

Là ndaʼndaʼ Yaweh Nsi seʼ maʼ yub ntshùa.

 3. Ngelañ yà seʼ zʼa bwô ndù bag bin tsiañde:

Yaweh Nsi tshwèt ntô bo Mven zʼa yoʼ là.

Ndùlà, ndonni be tshwèt nsoñ mbwô nkùn Nufen

Njwimde benntùn mfà nywinde mbotni bo.

Tshen ntshob tsiañde là bʼa ntùm Ñwaʼni Nsi fa;

Taʼ jùa num bag ywèt, bag bin jù bin i.

Fidentù zʼa num mfà, tôg zenu mènntùn;

A bètte mbe njoñ be fa siañ i fa.