1. A wor eú puk mi efisi ach pwapwa,

Kinamwe me ápilúkúlúkéch.

A manaman le amanawa “mi má,”

O ánnelói mesen chón “mesechun.”

Ena puk, ina néún Kot Paipel mi pin.

Makkeien ekkewe mwán mi tongei.

Ra makkeei fán emmwenien Jiowa,

Me seni an we manaman mi fel.

2. Ra makkeei usun férien Kot kewe,

Usun fisin láng, fénúfan ren i.

Usun án aramas unuséch me lóóm

Usun móróppékúlóón Paratis.

Ra pwal makkeei pwóróusen emén chónláng

Mi ú ngeni Kot me an nemenem.

Efisi tipis me watteen riáfféú,

Ekis ngeni chék Kot epwele win.

 3. A war ewe fansoun sipwele pwapwa.

Nemen Kot ren néún we King mi kepit.

Sa afalafala pwóróusen Mwúún Kot

Me esilei ápilúkúlúkéch.

A nóm ekkena pwóróus lón néún we puk,

Sa mwéngé seni lón pekin lúkú.

A atoto kinamwe mi somwoló,

Sa állea na Puk mi Manaman.