1. Kalati po̱ ńe ńa mapapa jita,

Eyal’ao ye ngiń’a betańsedi.

E mabola mbel’a moto dipita;

“Bawedi” longe̱, “bandima” be̱ne̱.

Ni kalat’a bosangi ńe nde Bibe̱l.

E si wu na jemea la moto,

Ban bato ba to̱pi o doi la Loba,

Ba tutabe̱le̱ nde na mudī mao.

2. Ba tili ońola ebol’a weka,

Ne̱ni ngiń’ao e wekino̱ me̱se̱.

Ná moto a se̱le̱ nde be̱ ke̱nge̱nge̱

Na mo̱ a bo̱lo̱ne̱ paradisi.

Nde ba tili pe̱ ońola ange̱l po̱

Ni kwe̱m doi la byanedi la Loba.

Nika e wan bobe na ndutu jita,

Nde Yehova a mala buka mo̱.

 3. Pond’a muńe̱nge̱ munde̱ne̱ e mápo̱:

Loba a máte̱se̱ ńo̱kisabe̱.

Di malangwa mi myango ma Janea

Na dipita la minam mi mapo̱.

Min myango ma bwam mi tilabe̱ oten;

Ma ndema la dipo̱ko̱, la juli.

E mabola mbel’a moto musango;

Ni kalat’a m’bwaṅ e do̱li langa.