1. Bàrì kọ́ A bùlà tenmá bá gbò nen,

Vaá emí mm̀ enè kà kpá nè-i.

A nyómá beè di ló gbò e bà émí

Vaá naa kọọ̀ A bùlà á gbóó ẽ-á.

Kpá-í fáálá lé tùle nè ból dẽesĩ́.

À tú zààvà nè fẹ́ẹ́-fẹẹ̀ ló nè-i.

À muunà-i dẽe, naa kọ é kpáá nyèè-à

Kọbé è láá ẹẹlẹ̀ nyíè bẹẹ Bàrì.

2. Kpá Ká-í fáálá bààtẽ́ dèmnù Bàrì,

Bé Bàrì beè dèm bàlà boo-í naa.

Bã̀àna gè kọ́ bé e nen beè gbõoma naa,

Nè tṍó e a dọ aa mm̀ Páladaìs.

À kọ́ nágé kọọ̀ enè kà nyómá tóm

Beè dú pọ́lọ́ vaá bé uú boo Bàrì.

Dénè gbò nen mon tã̀àgã̀ aa ló a láb,

Sõò è ẹbmà dẽè ààlaà bẹẹ Bàrì.

 3. È túù tṍó-í kọọmá kpẹ̀-a bẹẹ Bàrì

Kọ À bẹlíi tenmá bá A Sã́áná.

Lé kpẹ̀-a-í náa kọ é gbóó ṍ kààg̣à,

Boo béè dénè gbò a tã́áná dee bá.

È kọ́ọ̀ gbò moǹ belí nè kọ̀láá íb nen

Kọbé bà dã́ vaá tõ̀òma mm̀ ba dùm.

È zaalì bá kolmá kọ̀láá kà gbò nen

Kọọ̀ nakà gyọ́-í bọ́ló gè i-é.