1. Phau Vajlugkub yog phau ntawv Vajtswv sau qhia,

Kom tib neeg thiaj muaj kev vam kev cia siab.

Vajtswv Txoj Lus kho tau txhua tus lub cuab yig,

Kom ua tau lub neej nyob ntshaj ntuj qas nrig.

Phau Vajlugkub yog Vajtswv tshoov tib neeg sau,

Nws tej lus tseg rau txhua leej txhua tus paub.

Cov “tuag” yuav ciaj, cov “dig muag” yuav rov pom kev,

Tej no yog tej Vajtswv yuav kho tom ntej.

2. Phau Vajlugkub qhia tej yam Vajtswv tau tsim,

Kom neeg txaus siab ua neej nyob mus ib txhis.

Phau Vajlugkub qhia ntxiv tias neeg tsis mloog lus,

Neeg thiaj txawj laus thiab txoj sia thiaj txawj tu.

Txuas ntxiv ntawd qhia tias Xatas yog tus yeeb ncuab,

Nws dag thiaj ua neeg raug txoj kev puas tsuaj.

Tshuav tsis ntev lawm Vajtswv Yehauvas yuav tshem,

Xatas kom tsis txhob muaj nyob hauv ntiaj teb.

 3. Peb yuav tau nyeem Vajtswv Txoj Lus mus tas li,

Peb thiaj paub txog tej uas yuav muaj tshwm sim.

Ib hnub nram ntsis Vajtswv yuav kho txhua yam tshiab,

Ces peb yuav dim txoj kev nyuaj siab ntxhov siab.

Cia peb nco ntsoov ua Vajtswv Yehauvas tsaug,

Nws haj tseem hlub peb cov tib neeg muaj txhaum.

Peb rau siab ntso qhia txog nws lub koob lub npe,

Kom nrov ncha moo lug mus thoob plaws ntiaj teb.