ចម្រៀងលេខ៩៦
សៀវភៅរបស់ព្រះជាសម្បត្តិវិសេស
(សុភាសិត ២:១)
-
១. មានសៀវភៅមួយដែលជួយមនុស្សទាំងអស់គ្នា
ឲ្យមានសង្ឃឹមអំណរនិងក្ដីសុខសាន្ត
សៀវភៅនេះមានការណែនាំដែលជំរុញចិត្ត
ផ្ដល់ចំណេះប្រាជ្ញាដល់មនុស្សគ្រប់ប្រាណ
សៀវភៅវិសេសគឺជាគម្ពីរបរិសុទ្ធ
សរសេរដោយអ្នកដែលព្រះដឹកនាំឲ្យតែង
ដោយអ្នកដែលពិតជាស្រឡាញ់ព្រះយេហូវ៉ា
ឫទ្ធានុភាពលោកជួយគាត់យ៉ាងជាក់ស្ដែង។
-
២. ឫទ្ធានុភាពព្រះបានបង្កើតសកលលោក
ការនេះពួកគាត់សរសេរប្រាប់យ៉ាងត្រឹមត្រូវ
ហើយថាមនុស្សដំបូងមានភាពល្អឥតខ្ចោះ
ក្រោយមកសួនឧទ្យានគេក៏បាត់បង់ទៅ
គម្ពីរក៏ប្រាប់ដែរអំពីទេវតាមួយ
ប្រឆាំងមិនឲ្យមានការគ្រប់គ្រងពីព្រះ
នេះនាំឲ្យមានភាពខុសឆ្គងនិងការសៅហ្មង
តែមិនយូរព្រះយើងនឹងបានជ័យជម្នះ។
-
៣. នៅគ្រានេះយើងមានហេតុត្រេកអរសប្បាយមែន
ព្រះយេហូវ៉ាតែងតាំងស្ដេចឲ្យគ្រប់គ្រង
យើងផ្សាយដំណឹងល្អពីរាជាណាចក្រលោក
ប្រាប់ពីពរព្រះគ្រប់ពេលដោយឥតរារង់
សៀវភៅពីព្រះពោរពេញទៅដោយដំណឹងល្អ
បណ្ដាំពិសិដ្ឋសម្រាប់មនុស្សគ្រប់ប្រាណ
ក៏អាចផ្ដល់សេចក្ដីសុខសាន្តពិតលើផែនដី
សៀវភៅពិសេសនេះយើងគ្រប់គ្នាគួរអាន៕
(សូមពិនិត្យបន្ថែម ២ធី. ៣:១៦; ២ពេ. ១:២១)
