1. Liꞈ kʼoˆ teˇ kʼoˆ lehˬ chaw yaˇ awˬ pon hpehꞈ ve,

Gawˬ lehˍ, ha lehˬ ve, dawˇ law kuiˬ cawˬ gʼa.

Kanˇ paˆ uiˍ leh daꞈ ve cawˬ maˇ ve pa taw,

“Suh peuˬ ve chaw” a shaꞈ teˇ pawˆ kʼawꞈ gʼa.

Liꞈ kʼoˆ chi lehˬ Gʼuiˬ sha daꞈ kehˬ ve Liꞈ hpu.

Tawˇ hkawˇ hkʼa peu˗eˬ awˬ ha hpu dawˇ pawnˍ piˇ,

Yaˬhoˉvaˬ htaꞈ haꞈ ve chaw bvuhꞈ tcuh taˍ ve,

Yawˇ hui ha lehˬ leh coˇ caˇ gʼaˇ hteꞈ te.

2. Awˬ tehˬ ve laiˉ lawn Liꞈ hpu hkʼaw kʼoˆ laˇ ve,

Gʼuiˬ sha teˇ ceuˬ le le hpanˍ taˍ ve yoˬ.

Awˉ lawˉ peuˇ htaˇ chaw hkʼa peu˗eˬ venˇ baˆ maˇ cawˬ,

Hkʼaˬ hkʼe te Paˍraˍdiˇsuˆ shonˇ kʼai le?

Mvuhˇ naw yaˇ teˇ gʼaˇ Gʼuiˬ sha htaꞈ maˇ yawˆ yan,

“Uˉ peunˍ ve a hkaw˗anˬ maˇ cawˬ” she pfuhˍ piˇ.

Venˇ baˆ cawˬ la, chaw yaˇ tuꞈ hkanˍ jaˇ ve yoˬ.

Yaˬhoˉvaˬ Gʼuiˬ sha yawˇ htaꞈ gʼaˇ tuˬ yoˬ.

 3. Yaˬhoˉvaˬ Jawˇmawˇ teˇ gʼaˇ leuˆ yuˬ ve yoˬ.

Yawˇ uˉ peunˍ chehˇ ve, ha lehˬ awˬ yanˇ gaˬ˗oˬ.

Gʼuiˬ sha mvuhˇ miˬ awˬ lawn ngaˬ hui hto toˇ ve,

Awˬ bon leh dawˇ law kuiˬ shu htaꞈ maˍ piˇ.

Gʼuiˬ sha ve liꞈ hkʼaw ha lehˬ ve hkawˇ chi cawˬ,

Daꞈ jaˇ ve caˇ tuˬ hkʼa shuˍ hpehꞈ ve yoˬ.

Teˇ gʼaˇ le le dawˇ sha gawˬ lehˍ cawˬ gʼa tuˬ,

Teꞈ chehˇ ve liꞈ chi gʼa gʼaw cawˇ ve yoˬ.