YƖƖLL 96
Wẽnnaam Gomdã tara yõod wʋsgo
-
1. Ad Wẽnnaam sebrã kareng bee yamleoogo.
A yetame tɩ beoog na n yɩɩ neere.
A goamã yaa sõma, la tar pãng wʋsgo.
A pukda nebã nin la a kõt-b yam.
Seb-kãng la Biiblã, Wẽnnaam sẽn kõ tõndã.
Yaa neb toor-toor la Wẽnd yãk tɩ b gʋls-a.
Nin-kãensã ra nonga a Zeova ne b sũy fãa.
A kõ-b-la a vʋʋsem sõngã tɩ b gʋlse.
-
2. B wilgame t’a Zeova naana bũmb fãa,
t’a naana dũn’yã ne a pãn-kãsengã.
Tɩ sɩngrẽ wã ninsaal ra zemsa zãnga,
la kɩɩsa a Wẽnnaam n kong arzãnã.
B leb n goma malɛk a ye yelle,
sẽn kɩɩs a Zeova naam sẽn ka to wã.
Yaa rẽndã n wa ne yel-wẽnã la kũumã.
La keta bilfu, t’a Zeova sãam-a.
-
3. Tõnd tara sũ-noog wakat kãngã menga.
Bala Krist sɩnga naamã rɩɩb saasẽ.
Yaa rẽ yĩng la d sẽn moond Rĩungã koe-noogã,
n yet nebã tɩ vɩ-noog n wate.
Yaa Biiblã pʋgẽ la d yãt koe-no-kãensã,
t’a kareng tar yõod wʋseg ne tõndo.
A sõngda ned t’a paam sũur pʋgẽ bãane.
Ad yaa sebre, tõnd sẽn tog n karme.
(Ges-y 2 Tɩm. 3:16; 2 Pɩy. 1:21.)
