သီချင်း ၉၆
ဘုရားသခင့်ကျမ်းစာ မြတ်ရတနာ
-
၁။ စာအုပ်တစ်အုပ်ရှိ၊ စာမျက်နှာ များစွာပါ၊
လူအတွက် ငြိမ်သက်ပျော်ရွှင် မျှော်လင့်ချက်ပေး။
အံ့ဖွယ်ကြံရွယ်ရာ စွမ်းအားတန်ခိုးမဟာ၊
“သေသူ” ပြန်ရှင်လာ၊ “မျက်မမြင်” ပြန်မြင်လာ။
ထိုဖိုးထိုက်လှ စာအုပ်ဟာ သမ္မာကျမ်းစာ။
စွမ်းအားတော် လမ်းညွှန်မှုရသူ ရေးသား၊
ဘုရားယေဟောဝါကို သူတို့အမှန်ချစ်၊
ဘုရားစွမ်းအားတော် သူတို့ကို လှုံ့ဆော်။
-
၂။ သူတို့မှတ်တမ်းမှန်ပေး ဘုရား ဖန်ဆင်းခြင်း၊
တန်ခိုးတော်ကြောင့် ပေါ်ပေါက် စကြဝဠာ။
မူလလူသား စုံလင်ကြောင်း သူတို့ ပြောပြ၊
ပရဒိသု မည်သည့်နည်း ပျောက်ကွယ်သွား။
သူတို့ ဆက်ပြောပြ ကောင်းကင်တမန်တစ်ပါး
ပုန်ကန် ဘုရား ယေဟောဝါ ချုပ်ခြာအား။
ဒီလိုနဲ့ ဒုက္ခ၊ အပြစ် လူတို့ခံစား။
မကြာခင်မှာတော့ ယေဟောဝါ အောင်မှာ။
-
၃။ ဝမ်းမြောက်ရွှင်လန်းဖို့ အချိန်ကျရောက်လို့လာ။
ယေဟောဝါ စိုးစံ၊ ဘိသိက်ဘုရင်ဖြင့်။
ဘုရားနိုင်ငံတော်သတင်း ဟောကြစို့လေ၊
မျှော်လင့်ချက် ကောင်းချီး မျှဝေကြစို့လေ။
ကိုယ်တော့်စာအုပ်မှာ ဝမ်းမြောက်သတင်းများပါ၊
အထူးစားသောက်ပွဲကြီးနဲ့ ကျွေးမွေးမှာ။
လူမကြံစည်နိုင်တဲ့ ငြိမ်သက်ခြင်း ပေးတာ၊
သက်ရှင်ရတနာ လူတိုင်း ဖတ်နိုင်ပါ။
(၂ တိ. ၃:၁၆။ ၂ ပေ. ၁:၂၁ တို့ကိုလည်း ကြည့်ပါ။)