गीत ९६
परमेश्वरको किताब—एउटा अमूल्य धन
-
१. छ एउटा किताब जसले दिन्छ सबलाई
उज्वल आशा, आनन्द र शान्ति।
शब्द यसको साह्रै नै सशक्त छ;
ब्युँताउँछ “मृत”, फर्काउँछ “दृष्टि”।
अमूल्य यो किताब हो हाम्रो बाइबल।
प्रेरणामा लेखियो याहको।
चमत्कार हो यो पवित्र शक्तिको।
लेखाई हो याहलाई माया गर्नेको।
-
२. ‘बन्यो सबथोक याहको शक्तिले नै;
धर्ती, गगन बनाए उनैले।
त्रुटिपूर्ण थिएन मानिस पैले;
दियो चुनौती घमन्डी दूतले;
अनि गुम्यो सुन्दर प्रमोदवन पनि!
आयो पछि पाप र दुःखकष्ट;
तर हुनेछ याहको जित चाँडै नै।’
लेखिएका छन् यी सब बाइबलमा।
-
३. बेला आयो है अपार आनन्दको;
सुरु भैसक्यो शासन येसुको।
खुसीको यो सन्देश बाँड्छौँ सबैलाई;
ल्याउनेछ आशिष् सधैँभरिलाई।
यस्तो सुसमाचार छ यो वचनमा;
साँचो ज्ञानको पवित्र भण्डार यो।
दिन्छ शान्ति मानव सोचभन्दा उत्तम;
पढ्नै पर्ने किताब सबैले यो।
(२ तिमो. ३:१६; २ पत्रु. १:२१ पनि हेर्नुहोस्)