1. E na mbeti mɛ ahɔ ambeti zu,

Ni ndo hɛ̃ nzɔ̃ dangɔ bɛ hɛ̃ azi.

Ni zi lɛ e, ni ndo hɛ̃ nga e kɔdɛ;

Ni ndo hɛ̃ ng’azi zu dungɔ lɛ ngɛ̃́.

Buku ni du Ngbangɔ Tɛnɛ tɛ Nzapa.

Azi mɛndó ye Nzapa la su ni,

Yehova hɛ̃ndó ala ngunu tɛ lo.

Nyingɔ vurú dɔndó ng’ala na nɔ.

2. Ni kambisa nga se mɛndó Nzapa li,

Aye mɛ ka ndozu nga ge tise.

Se mɛndó kɔli ná wali ti uzu

Agbɛ̃ paradizo ge lɛ sese.

Ni kpɔ pandɛ tɛ angelo ti siɔni

Mɛndó kɛ̃ Lo-lengɔ Gbia tɛ Nzapa.

Na lo ni la lɛ sese sĩ na pɛnɔ,

Angbã dã Yehova na nwɔngɔ lo.

 3. Omɛ adu ngoi ti kota dengɔ bɛ.

Nzapa kpã Kristo ngama Gbia tɛ e.

Zia e pa nzɔ̃ pa ti Lo-lengɔ Gbia ni.

Nga nzɔ̃ sulu mɛ ni na hɛ̃ngɔ’azi.

E na tãngɔ’aye mɛ zu kaya Ngbangɔ;

E mu ngoi ti dingɔ ni bi ná lá.

Ni ndo hɛ̃ siriri mɛ hɔ tɛ azi.

Zia ya ni hɛ̃ e kɔdɛ ná ndara.