1. So mbuku sangomusoiʼö tödöda,

Sameʼe fanötöna ba niha.

Ösinia safönu faʼabölö,

Tola ibulöʼö waʼaurida.

Buku daʼö Sura Niʼamoniʼö,

Nisura niha niʼehehaini,

Sangomasiʼö Amada Yehowa,

Ehehania zamarou tödöra.

2. No tesura halöwö Lowalangi,

Me iwöwöi mbanua si yawa,

Hegöi böröta niha siföföna

Awö Waradaiso si no taya.

Tesura göi malaʼika selungu,

Solawa famatörö Yehowa,

Sangaʼasogö horö ba famakao.

Hasambalö Yehowa zi möna.

 3. Irugi baŵa waʼomuso dödö,

Mamatörö Razo nibayoini.

Tafatunö Wamatörö Yehowa

Hegöi howu-howu nibeʼenia.

Databaso Zura Niʼamoniʼö,

Sangehenaigö gö ba wamati,

Sameʼe khöda faʼohahau dödö.

Daʼa gokhöta sebua böli.