1. A ɛrɛ kpa lo a dɔbiī nɛ pya nɛɛ,

Sa a nɛ ɛɛbu le bɛābu pya nɛɛ.

Pya ue a le bu ɛrɛ ekpo sa lee;

A su ɛɛdee nua loo dɛ̄dɛɛ̄ pya nɛɛ.

Lo kpa ama na kpa a aaba Bari.

Bari bee su pya nɛɛ ɛma ye Ue,

Pya nɛɛ ama bee gbaɛ̄tɔ̄loo Jɛhova,

Ye kaɛ edɔɔ̄ bee wa yerebah nɛ.

2. Ba ɛm nu akiiloo pya nu Bari dɛm:

Kɛ̄’a ɛrɛ ekpo ee dɛ̄dɛɛ̄ nɛɛ doo.

Kɛ̄ pɔrɔ tɛɛ̄ doo yii bu nyɔuwe ama

Le nu anua sa dɛ̄dɛɛ̄ ii tɔga.

Ba sikɛ̄ kɔ nu akiiloo ziī ɛnjɛl

Lo a bee ɛp bɛbɛɛ Bari tɛrɛ.

Sa lo nu doo kɔ i le bu etɛɛrɛ,

Mɛ Bari gaa le kpɔā i li deesī.

 3. Bu dɛ̄dɛɛ̄ nu ama, i ɛrɛ ɛɛbu,

Nyɔɔbee Jizɔs ebɔātɛ̄ ye bɛbɛɛ.

Nyɔɔwo, dooraa i zue lo Buɛ̄-mɛnɛ siā

Sa kɔ le nu lo Buɛ̄-mɛnɛ enua.

Pya ue a nɛ bɛābu le bu kpa ama;

A bɔloo kɔ i buū ye dɛ̄dɛɛ̄ dee.

A lee ee dɛ̄dɛɛ̄ nu lo i dap ɛrɛ;

Lo zɔ a kuī ama aaba Bari!