1. Walay libro ya para ed totoo;

Liket, deen, ilaloy iter to.

Mensahe toy napno na kayamanan

anggan “bulag” naliliwawaan.

Sayan libro et say Masanton Biblia,

insulat da ’ramay pinuyanan.

Totoon inar-aro day Jehova,

espirituy nanggiyad sikara.

2. Say impamalsay Dios nabasad Biblia;

Say uniberso et pinawala.

Tan say too dia ed gapo perpekto

balet ta satan so abalang to.

Walay anghel ya sinmumpad Jehova,

panuuley na Dios kinontra to.

Nansumpal yad ermen tan kasalanan,

diad arapen naekal la ’ratan.

 3. Natan lay panaon ta pian manliket,

say tinuro na Dios et Ari la.

Maseseg tin ipulong so Panarian,

iter ton bendisyon so ibaga.

Sayan balita et nabasad Biblia,

mangiiter na tuan kareenan.

Dakel so karga to ya karunongan.

On, aralen tan pablien itan.