1. Humanidat tin goso i speransa

debí na⁀un buki digno di⁀alabá.

Ku su poder e “mortonan” ta lanta

i “siegunan” ta ser iluminá.

Ta Dios su propio buki, Beibel Santu,

skirbí pa hende bou di⁀inspirashon,

obedesiendo guia dje spiritu,

moví pa gran amor di kurason.

2. Ta via dje nos sa kon Dios a forma

su shelu⁀i tera ku su gran poder

i nos promé mayornan sin defekto;

ma nan a pèrdè⁀e hòfi di plaser!

Tokante⁀un sierto angel e ta konta;

esun ku kontra Dios a rebeldiá.

E konsekuensia ta piká i duele,

ma djis akí nos Dios lo triunfá.

 3. Nos ta bibando tempunan glorioso.

Den shelu, Kristu ya ta goberná.

I salbashon Yehova tin pa hende,

kontal ku⁀e Yu di Dios nan aseptá.

Su gran mensahe t’e mihó notisia,

konsolashon pa alma⁀i kurason,

un gran bankete santu di delisia;

e t’un tesoro sin komparashon.