1. Bibliaga yapa valishca libromi,

Dios partimanda cuyashcami an.

Paihua mandashca shimiuna sumajmi,

runaunara ashcara yanapan.

Diospa yachanara intindinaras

cai sumaj libroibi tupanchimi.

Jehová huaquin runaunara ajllaca,

paihua shimira quillcachingahua.

2. Biblia cuintan imasna Jehová Diosga

tucui tiajcunaras rurashcami.

Shu angelga Diosta chijnij tucuca,

Jehová manali mandajchu nica.

Adán Evandi Jehová mandashcaras

mana casuna munashcamanda

tucuiguna uchayujmi tucunchi,

shinajpi Jehová quishpichingami.

 3. Cuna ashca cushira charinchimi:

¡Ahua pachai Jesús ña Reymi an!

Reinomanda ali cuintashcaunara

runaunama cushihua rimanchi.

Bibliara leana ashca yanapanmi

ganaslla cushi sintiringahua.

Tucuigunara cai sumaj librora,

caran punzha leangaj animanchi.