1. Kanmi juj libro ancha munayllaña,

chay libromantan yachay k’ancharin.

Ancha jatunmi chaypa atiyninqa,

wañusqa sonqoyoqtan kausachin.

Diospa siminmi chay munay libroqa,

Dios serviqkunan chayta qelqaran.

Paykunataqa Diosmi yuyaycharan,

kallpantan qoran qelqanankupaq.

2. Diospa qelqanpin paykuna willanku

runata Diospa kamasqanmanta.

Qallariypiqa ch’uyas runa kasqa,

ichaqa juchamansi urmasqa.

Juj ángel jawas chay juchaqa kasqa,

paysi Dios contra jataripusqa.

Chhaynapis llaki lliuman ch’eqerisqa;

chayraykun Diosqa kamachimunqa.

 3. Kay tiempopiqa kusikuymi kashan,

¡Diospa wawanñan kamachikushan!

Chaymantan kunan lliuman willananchis

kausachiq ñanman jaykunankupaq.

Diospa qelqanpin kausay unu kashan,

sapa p’unchaymi chayta ujana.

Chaypin tarisun sumaq suyakuyta.

Ancha munaymi Diospa siminqa.