1. Dhagge ikkaahu mittu maxaafi no;

Hagiirrenna salaame aannoho.

Kaaꞌlannore kulannoho, kaajjaho;

Heeshshonna xawaabbano aannoho.

Tini jiro Qullaawa Maxaafaati;

Kulannoti Maganu hedooti.

Borreessitiyori soqqamaanosiiti;

Qullaawu ayyaani noonsareeti.

2. Maganu kalqe kalaqino gara,

Borreessinoyi konni maxaafira;

Guuta ikke kalaqamino manchi

Gannatetenni fulino gara.

Borreessinoyi mittu sokkaasinchire,

Magano hettise assinore.

Tini cubbonna qarra abbitino;

Maganinke kayi qeelle adhanno.

 3. Tini ninkera hagiirru yannaati;

Xintamino Maganu Gashshooti.

Dudumbeemmo konne dancha duduwo,

Daanno atoote manna baalaho.

Kuni maxaafi tenne kulannoho;

Kulannori jawaachishannoho.

Nabbambiro giddo gaꞌlabbi yitanno;

Wodanankeno fooliishshiishanno.