1. Bir kitap bar, içindäki sözleri

Rahatlyk, umyt berýär ynsana.

Her bir setirindäki pikirleri

Derde derman, şypa berýär jana.

Ynsan ýazsa-da Mukaddes Kitaby,

Ylhamlanyp aýdypdy baryny.

Ýehowa berdi mukaddes ruhuny,

Ýetirdi ajaýyp habaryny.

2. Pygamberler ýazypdyr ähli zady

Hudaýyň Mukaddes Kitabynda.

Hudaý ýaradyp ilkinji ynsany

Ýerleşdiripdir Erem bagynda.

Emma bir zalym perişde azypdyr,

Töhmet atypdyr Ýahyň adyna.

Şeýdip, günä, ölüm peýda bolsa-da,

Hudaý tizden ýeter maksadyna.

 3. Begeniň, şatlanmaly pursat geldi,

Höküm sürýär Ýahyň bellän şasy.

Geliň, hoş habary wagyz edeliň,

Tizden ýerine ýeter wadasy.

Kitabyň täsindir her bir parçasy,

Pespäl adam üçin toý saçagy.

Hudaýyň beren genji-hazynasy,

Öwredýär ýagşyny saýgarmagy.