1. E isi se tusi e lauiloa,

E uke a itulau i ei.

E isi se fakamoemoega;

E maua foki te ola i ei.

Te tusi tenā ko te Tusi Tapu,

Telā ne tusi i aso mua.

Ne tino a‵lofa ki a Ieova,

E ala i te agaga tapu.

2. E fakamau i te tusi tenā,

A mea Ieova ne faite.

E fakamatala foki i ei,

A te Palataiso gali ‵ki.

Mo te pulega sili a Ieova,

Telā ne fakamaseigina.

Kae ka fakafoki mai ne Ia,

A mea ‵gali ne ‵galo atu.

 3. Ko pili tatou nei o fia‵fia,

Me ka pule mai a Keliso.

Ke talai atu te tala ‵lei,

Mo fakamanuiaga ‵gali.

E fakamatala foki i ei;

Te ‵toe ‵kaiga lasi kae ‵lei.

Ki tino e tau‵tali ki a Ia;

Ke maua ne latou te ola.