1. May libro nga dara’n kamatuoran,

Kalipay, paglaom ha katawhan.

Urusahon ngan duro kagamhanan;

Dara’n kinabuhi, kalamragan.

Biblia an ngaran han libro han Dios.

Sinurat han mga giniyahan,

Han mga nahigugma kan Jehova,

Ngan han espiritu gintugwayan.

2. An paglarang han Dios ginsurat nira,

Ngan an paghimo han uniberso.

Ha tinikangan hingpit pa an tawo

Kondi nawad-an han Paraiso.

Ginsaysay man nga may usa nga anghel,

Nag-ayat han soberanya ni Jah.

Nagtugway ha sala ngan kabidoan,

Kondi kadaogan hirani na.

 3. Oras yana han daku nga kalipay,

Hadi na an kan Jah dinihogan.

Paglaom nga dara han Ginhadian

Aton yana isangyaw ha tanan.

Inin libro may maopay nga sumat;

Hura han sagrado nga pagkaon.

Kamurayawan nga diri matugkad;

Bahandi nga sadang gud basahon.