1. Nojoch u yaabilaj tiʼ toʼon Jéeoba Dios

tumen tu síiajtoʼon u kiliʼich Tʼaan.

Le baʼax ku kaʼanskoʼ sáamsamal ku yáantkoʼon,

ku tsʼáaiktoʼon kiʼimak óolal ich k-kuxtal.

Lelaʼ junpʼéel u siibal Dios tiʼ wíinik

le oʼolaleʼ jach koʼoj xan u tojol.

Letiʼeʼ tu yéeyaj wíinikoʼob tiaʼal tsʼíibtik,

baʼaleʼ tu nuʼuktoʼob tiaʼal u beetikoʼob.

2. Tu tsikbaltoʼob bix beetaʼabik tuláakal,

tu yaʼaloʼob xan bix káajik yóokʼol kaab.

Tu tsikbaltoʼobeʼ anchaj juntúul ángel

tu tsʼáajuba tu contra Jéeoba Dios.

Yoʼolal lelaʼ tuláakal máak ku kíimil

yéetel tuláakal máak táan u muʼyaj.

Chéen baʼaleʼ tsʼíibtaʼaneʼ taʼaytak u xuʼulsaʼal

tuláakal baʼax ku beetik k-sen muʼyaj.

 3. Teʼ kʼiinoʼobaʼ jach kiʼimak k-óol k-ojéeltik

Jesuseʼ tsʼoʼok u káajal u reinar.

Le oʼolaleʼ táan k-kʼaʼaytik tiʼ tuláakal

le baʼaxoʼob ken u beet mun xáantaloʼ.

Toʼoneʼ jach k-yaabiltmaj le maʼalob siibal

u tsʼaamaj Dios utiaʼal u nuʼuktoʼonoʼ.

K-xokik mantatsʼ le baʼax kiaʼalik u Tʼaanoʼ

ku taasik kiʼimak óolal ich k-kuxtal.