AWIT 97
Pulong sa Diyos—Giya sa Atong Kinabuhi
-
1. Sa Pulong sa Diyos masayran
Ang kamatuoran.
Kinabuhi magiyahan
Kon Bibl’ya ang tun-an.
Ang kalinaw ug kalipay
Ang mapahimuslan.
(KORO)
Ang Pulong sa Diyos ang giya
Sa kinabuhi ta.
Kanunay natong basahon
Ug pamalandongon.
-
2. Ang mga alagad sa Diyos
Nga naa sa Bibl’ya,
Ang pagtuo nila lig-on,
Tanan maunongon.
Malig-on ug madasig ta
Kon tun-an ang Bibl’ya.
(KORO)
Ang Pulong sa Diyos ang giya
Sa kinabuhi ta.
Kanunay natong basahon
Ug pamalandongon.
-
3. Adlaw-adlaw basahon ta
Pulong ni Jehova.
Kon modangat kalisdanan,
Ang Bibl’ya kadangpan.
Sa kasingkasing tipigan
Tanang nakat-onan.
(KORO)
Ang Pulong sa Diyos ang giya
Sa kinabuhi ta.
Kanunay natong basahon
Ug pamalandongon.
