1. Okkum tørvar Jehova orð,

tað er í okkum lagt.

Neyðugt er, umframt dagligt breyð,

alt, sum hann hevur sagt.

Gleði lovar hann longu nú,

frálík framtíðarkor.

2. Í Guds orði vit lesa um

fólk úr farnari tíð,

menn og kvinnur, sum altíð trúgv

livdu vónini í.

Styrkt av orðinum stíga vit

somu trúføstu spor.

 3. Gud við orðinum dag um dag

gevur styrki og troyst.

Við Guds vísdómi fáa vit

lívsins tvørleikar loyst.

Latið okkum tí gleðast um

alt, sum Gud ber á borð.