RWĨMBO NA. 97
Muoyo Wĩhocetie Harĩ Kiugo kĩa Ngai
-
1. Muoyo witũ wĩhocetie,
Kiugoinĩ kĩa Ngai.
Tũtũragio nĩ Maandĩko
ti mũgate wiki.
Twĩ na thayũ na gĩkeno
na kĩĩrĩgĩrĩro.
(KORASI)
Tũtũragio nĩ Maandĩko
ti mũgate wiki.
Nĩmo matũhingagĩria
mabataro maitũ.
-
2. Maandĩko matũrutaga,
ũhoro wa andũ
arĩa maarĩ na wĩtĩkio
ehokeku kũna.
Twathoma ũhoro wao
twĩkagĩrũo ngoro.
(KORASI)
Tũtũragio nĩ Maandĩko
ti mũgate wiki.
Nĩmo matũhingagĩria
mabataro maitũ.
-
3. Twathoma Kiugo kĩa Ngai,
nĩ tũmagĩrĩrio.
Twacemania na magerio
gĩgatũhe ũũgĩ.
Reke tũrũmie maũndũ
marĩa twĩrutĩte.
(KORASI)
Tũtũragio nĩ Maandĩko
ti mũgate wiki.
Nĩmo matũhingagĩria
mabataro maitũ.
(Ningĩ rora Josh. 1:8; Rom. 15:4.)
