KANSION 97
Say Bilay so Akadependid Salita na Dios
-
1. Aliwan panangan labat
so napambilayan.
Mandependid Salitay Dios
so pambilay tayo.
Naliliknay kareenan,
sayay panliketan.
(KORO)
Mandependid Salitay Dios
so pambilay tayo.
Agew-agew ya basaen
pian nigiya tayo.
-
2. Dia ed Biblia nabasa ray
tuan istoryay bilay,
saramay pananisia da
et tua tan mabiskeg.
Impansungdo, ehemplo ra
so makapaseseg.
(KORO)
Mandependid Salitay Dios
so pambilay tayo.
Agew-agew ya basaen
pian nigiya tayo.
-
3. Legan ti yan babasaen
naligliwa tayo.
Karunongan so iter to
pian mansungdo tayo.
Dia ed puso et isinop,
nababasa tayo.
(KORO)
Mandependid Salitay Dios
so pambilay tayo.
Agew-agew ya basaen
pian nigiya tayo.
