KʼAAY 97
U Tʼaan Dioseʼ ku tsʼáaik kuxtal
-
1. U Tʼaan Dioseʼ ku tsʼáaik kuxtal
tiʼ le máax xokikoʼ.
Kéen k-xok baʼaxoʼob ku yaʼalikeʼ
jach ku kiʼimaktal k-óol.
Koʼox ilik k-xokik sáamsamal
le baʼax ku yaʼalikoʼ.
(CORO)
Sáamsamal xok u Tʼaan Jéeoba,
beet xan baʼax uts tu tʼaan.
Wa ka beetik baʼax kiaʼalikeʼ
yaan u tsʼáaiktech kuxtal.
-
2. Yaʼabach máakoʼob úuchjeakileʼ
chúukpaj yóoloʼob tiʼ Dios.
U Tʼaan Dioseʼ ku tsikbaltik
u jatsʼuts modosoʼob.
Wa k-ilik xan k-kuxtal beyoʼ
yaan u chúukpajal k-óol.
(CORO)
Sáamsamal xok u Tʼaan Jéeoba,
beet xan baʼax uts tu tʼaan.
Wa ka beetik baʼax kiaʼalikeʼ
yaan u tsʼáaiktech kuxtal.
-
3. U Tʼaan Dioseʼ ku yáantikoʼon
tiaʼal k-kʼamik utsiloʼob.
Wa k-tuklik baʼax ku yaʼalikeʼ
yaan u muʼukʼaʼantal k-fe.
Ku yutskíintik tak baʼax k-tuklik,
kiáantkoʼon k-beet xan baʼax toj.
(CORO)
Sáamsamal xok u Tʼaan Jéeoba,
beet xan baʼax uts tu tʼaan.
Wa ka beetik baʼax kiaʼalikeʼ
yaan u tsʼáaiktech kuxtal.
