1. Naek srar sesyaran-syaran,

Sibor fafayaḇa.

Sikam saksi ḇenapes,

Kakyar sena nako.

Koḇe syaran-syaran kam,

Er ḇeba ḇesambraḇ,

Ro keret ma wos ḇebor nakam,

Koryaḇ ’sandik Allah.

2. Naek srar sesyaran-syaran,

Koryaḇ koḇaryas pdef

Ankin’m ḇeḇye Karajan,

Snonkaku smander na.

Rofyor koḇaryas pdef na,

Na naisya napyan ḇa,

Yesus ḇyuk sneprei ḇe ḇembrus sya;

Ḇyuk aski ’sof fyoro.

3. Naek srar sesyaran-syaran,

Roro ḇarpon Allah,

Kokain pyum ro rum Ḇyedi,

Kofarmyan ras ma roḇ.

Koḇe syaran-syaran kam,

Koḇaryas Ankinem,

Kofararur kayam kuk’r Allah,

Roro supswan ine.