1. Brøður í túsundatali

standa her lið um lið,

trúfastir vitna allir,

tala um sannan frið.

Túsund, ja fleiri túsund,

fylkjast í stóran hóp,

tjóðir og ættir og tungumál

skera í gleðiróp.

2. Brøður í túsundatali

prædika fjart og nær

ævigan gleðiboðskap

– søkjandi fáa svar.

Meðan vit boða ríkið,

kunnu vit verða trongd,

eiga tó hirðan, ið gevur hvíld,

lættir um tunga gongd.

3. Brøður í túsundatali

meta Guds tempul hátt,

leita til forgarð Harrans,

tæna har dag og nátt.

Túsund, ja fleiri túsund,

hópurin uttan tal

kunnger á jørðini orðið um

ríkið, ið koma skal.