1. Uol iip a piipl a sorv Ja—

Wi an wi breda dem.

So ef wi fiil tuu luonli,

Memba wi av nof fren.

Nof nof a wi a sorv Gad;

Wi kom fram nier an faar.

An evri die muor an muor a kom;

Dem kom fi sorv wi Gad.

2. Uol iip a piipl a sorv Ja.

Wi priich fram iis tu wes,

Tel piipl bout di gud nyuuz,

No kip it tu wiself.

Duo wi a sorv Jeuova,

Somtaim wi stil av schres.

Bot Jiizas aalwiez tek taim wid wi;

Im gi wi piis an res.

3. Kom mek wi sorv Gad Jeuova;

Im a wach uova wi.

Wi fiil so gud fi nuo se

Wi get fi work wid im.

Nof nof a wi a sorv im;

Wi sorv im die an nait.

Mek wi go tiich piipl bout di taim

Wen evriting gweehn nais.