1. Nimxix kyajlal qe erman at,

nimxix millón qʼanchaʼl.

Teyele junjun tzʼaqli

ex in kubʼ tbʼinchaʼn bʼaʼn.

Aqoʼ nimxix kyajlal xjal,

kukx in chʼiy nimxix qbʼaj.

Tzajni qoʼ te nimku yol ex tnam

tuʼn qkʼulin te Jehová.

2. Nimxix kyajlal qe erman at,

in qo pakbʼan qkyaqilx

tiʼj tbʼanel tqanil kye xjal

tuʼnju kyaj tuʼn tok kybʼiʼn.

Maske ma tzaj nya bʼaʼn qiʼj,

mlay kyaj qtzaqpiʼn aqʼuntl.

Tzul tqʼoʼn Jesús qipumal aj qsikt,

ax ikx chewsabʼil qkʼuʼj.

3. Nimxix kyajlal qe erman at,

in qo ajbʼen te Qtat

qʼijtl ex qʼonikʼen toj tja,

tuʼn tjaw qnimsaʼn tbʼi xjan.

In qo pakbʼan tiʼj tqanil

Tkawbʼil Dios at toj kyaʼj.

Nimxix tzalajbʼil tuʼn qaqʼunan

junx tukʼil Qman Jehová.