1. Jehova uplika nani

¿ya kulki sâkbia ki?

Gâd witniska nani ba,

Kwâra tara kum sa.

Ai kiamka sât sât brisa,

bîla aisanka sin.

Ban sakuna asla lâka ra

Gâd ra mayunisa.

2. Jehova uplika nani

ban kasak banhwisa,

Sturi yamni brih wisa

na tasba aiska ra.

Sut ra Jisas tâ brisa

kaina sin kahbisa.

Piu sut ra ai hilpka yabisa

âuyapah lâka sin.

3. Jehova uplika nani

swapras wark takisa,

titan, tihmia kabia sin

Gâd brinka daukisa.

Wark tatakra painkira

ai kupia aiska wal,

Gâd kingka lâka ba dukiara

ban smalki taukisa.