YƖƖLL 99
Tõnd yaa saam-biis tus ka tɛka
-
1. Tõnd yaa saam-biis tus ka tɛka,
tõnd sõorã waoogame.
Ned kam fãa tũuda a Zeova,
la a sakd-a ne a sũur fãa.
Tõnd yaa neb tus ka tɛka,
tɩ d sõorã tar paasgo.
Tõnd yi dũn’yã tẽnsã fãa pʋsẽ,
la d nonga taab sõma.
-
2. Tõnd yaa saam-biis tus ka tɛka.
Tõnd moonda tẽnsã fãa,
n taasd neb koe-noogo,
tɩ beoog na n yɩɩ neere.
Baa d zu-loeesã yaa wʋsgo,
d ket n moondame,
bala a Zeezi geta tõnd yelle,
tɩ d yamã gãe bãane.
-
3. Tõnd yaa saam-biis tus ka tɛka.
Tõnd bee Wẽnnaam taoore,
n tʋmd a tʋʋmã daar fãa,
wĩntoogo, la yʋngo.
Tõnd yaa neb tus ka tɛka,
tõnd moonda Wẽnd koɛɛgã,
t’a get tõnd wa yẽ tʋmd-n-taase,
sẽn be tẽngã zugu.
(Ges-y Eza. 52:7; Mat. 11:29; Vẽn. 7:15.)