1. Guizáʼ maʼ stale hermanu,

nácanu jma millón.

Rúninu stale dxiiñaʼ,

para guisaca Dios.

Nácanu de iráʼ guidxi

ni nuu lu Idxilayú.

Ne guiráʼ dxi nga cadálenu

Dios peʼ cayuni ni.

2. Guizáʼ maʼ stale hermanu,

riuunu de yoo pur yoo

rininu stiidxaʼ Diuxi

ti ganna binni ni.

Cadi guitende ñeenu

ne cadi idxáganu,

gaxha de laanu nga nuu Jesús

nin qué zadxíbinu.

3. Guizáʼ maʼ stale hermanu,

Dios runibiáʼ de irá.

Rinenu ti mensaje

ndaaniʼ ca guidxi ca.

Cayacanenu Diuxi,

naroʼbaʼ ndaayaʼ ca.

Chuunu chitídxinu de guiráʼ

de Reinu stiʼ Jiobá.