1. Zoova tu i klun ɔ yo aklunye.

Ɔ kpaman sran’m be nun, ɔ sɔ sran ngba nun.

Ɔ fa nzue’n nin wia’n,

ɔ man sran kwlakwla kpan.

Ɔ man e aliɛ nin aklunjuɛ.

Kɛ e si wun ase kanfuɛ’m be aunnvuɛ’n,

E kle kɛ e sɔnnzɔn e Si Ɲanmiɛn Kpli.

Aklunye mɔ e yo’n, ɔ nin e klun ufue’n,

E Ɲanmiɛn’n mán e be nuan like.

2. Be nga mɔ be sa mian’n, kɛ e uka be’n,

E si’a like kpa ng’ɔ o e ɲrun lɔ ɔ.

Sɛ aofuɛ mun o, sanngɛ e sike be.

E nian be lika, e uka be.

E yo kɛ Lidi sa, e waan: ‘Maan e la.’

Kɛ be ba e wun sa’n, be wla gua ase.

Sran kwlaa ng’ɔ si aunnvuɛ kɛ Ɲanmiɛn Zoova sa’n,

E Si Ɲanmiɛn’n si i kwlaa sɔ’n nun.