ULWIMBO 100
Muleafwa Abalekabila Ubwafwilisho
-
1. Shikulu Yehova ni kapekape,
Kabili takwata kapaatulula.
Alaloshe mfula
pa bantu bonse fye;
Alatupeela ne fya kulya.
Na ifwe nga tuleafwa ’bapiina,
Ninshi tulepashanya Lesa wesu.
Shifwe wa ku muulu
akatulambula
Pa cikuuku ico tulanga.
-
2. Te kuti twishibe fingafumamo
Ilyo twatangata ababuliishe
Capamo na bantu
’bo tushaishiba;
No kubapeelako ifintu.
Tupashanya Lidia wa mu Baibo
Nga tulesengela ’beni ku mwesu.
Shifwe alamona
abamupashanya
Icikuuku e lyo no luse.
(Moneni na Imil. 16:14, 15; Rom. 12:13; 1 Tim. 3:2; Heb. 13:2; 1 Pet. 4:9.)