1. Yahwe imarisen fa sedakam I.

Iswar snonkaku kam, myamfarfir si ḇa.

Dares ma mekem ya,

ḇyuk na faro kokam;

Roḇean fa kan ma komaris’n.

Rofyor komarisen fa sedakam ko,

Kakfrur raris Allah ḇe roma Ḇyesi.

Na Mami ḇyuk kaḇer

roi ḇepyum kofrur kwar,

Ḇaḇenaḇye ḇeankarkar ḇa.

2. Kofawi mnis ḇaim rosai bon ḇyena

’Fyor koḇuk fafnoḇek ḇe ḇefandun sya.

Komamḇaḇir si ḇa,

ḇape kofnoḇek si,

Kofasnai saswarya faro si.

Imnis ra Lidia, ifrur roi ḇepyum.

Kofrur fa skain pyum, ima roi ḇepyum.

Kma koḇedi fyawi

rofyor kakfrur raris

Saswar ma ḇaḇesyowi Ḇyena.