1. Jìhóvà tú lé bá tuumá dénè nen.

À ne nuù dénè nen, náa ẹ̀b dó e dúù.

À ne nu gbò méné,

vaá nè nàgé gbò tãa;

A lé nu dòòmà bá dú kà lé.

Tṍó e nveè bá nè gbò e nu aga ló,

È bọọlẹ̀ nuù bẹẹ Tẹ̀ e a di káála.

Bée kól kyáà gbò nen naa,

bẹẹ vulè e í-è;

Kuulà dẽè gbò nen kọ è dúù lé.

2. Móbá ní e olo é túúmá neǹ kyáà

Beè tã̀àgã̀ fáálá ẹ inmá ní ló é?

Beè né va nu gè dè,

àbèè tọ gè tõó m,

È zógè kọọ̀ ba bíi bọọ-í ló.

Neǹ Jọ́pà e a beè kọ̀là Lìdíà,

Beè kolí bà Pọ́ọ̀l vaá tú va sẹlẹ́ tọ.

À ẹ́ẹ̀lẹ̀ nyíè bẹẹ Tẹ̀

tṍó e í-è sàn nyíè,

À vulè nen e a kólí kyáà.