1. Jehova’n a lantîr khualchhâwn thiamna dik,

Mi zawng zawng a ngaihsak thlei bîk nei lovin;

Phal takin min pe ṭhîn,

tur-ni leh fûr ruahtui,

Kan hlim nân min pe ei leh in tûr;

Riangvaite duhsakna kan lantîr hunah,

Pathian fate kan ni amah entawntu;

Kan Pa vâna mi chuan

min rûl ang kan ṭhatna,

Kan lantîr ngilneihna dik tak chu.

2. Ṭanpui ngai kan hmuhte kan ṭanpui hunah,

Eng rah ṭha nge chhuah dâwn, kan hre lo tuman;

Hmêlhriat loh ni mah se,

ṭanpui an ngaih hunah,

Khualchhâwn thiamna lantîrin kan pui;

Hmân lai Ludi angin: ‘Lo thleng r’u,’ kan ti,

Kan in an lo thlen chuan hahdamna an hmu;

Pathianin a hre reng,

ram tina mi zawng zawng,

A zahngaihna entawntute chu.