1. Nimxix xtalbʼil in kubʼ tyekʼin Qman Jehová,

mintiʼ in nok tqʼoʼn twitz tiʼjju kyyajil xjal.

In tzaj tqʼoʼn Qʼij ex jbʼal,

ex qwa tuʼn tten qchwinqlal.

Nim in qo tzalaj tiʼj tkyaqil jlu.

Aj qbʼinchan xtalbʼil kyiʼj qeju atx taj kye,

in nel qkanoʼn tkʼujlabʼil Qman at toj kyaʼj.

Ok ktzajel tqʼoʼn Dios t-xel

tkyaqil tbʼanel qbʼinchbʼen,

ex tuʼnju in qo onin kyiʼj txqantl.

2. Mintiʼ ojtzqiʼn quʼn jniʼ kbʼantel tuʼn qbʼinchbʼen

aj t-xi qqʼoʼn onbʼil te jun xjal atx taj te.

Qo onin kyiʼj kykyaqil

ex qbʼincham xtalbʼil kyiʼj,

mintiʼ tuʼn tok qqʼoʼn qwitz tiʼj tzeʼn xjal.

Bʼaʼn tuʼn tel qkanoʼn tiʼj Lidia ex qqʼamanx:

«Ku ttzaja njaye ex bʼaʼn tuʼn tkyaja jtal».

In nok tkeʼyin Jehová

qe xjal in kybʼinchan bʼaʼn

ex in nel kykanoʼn tiʼj qʼaqʼbʼil tkʼuʼj.