1. Mëjwiin kajaa yˈoyjyaˈayëtyë Dios Jyobaa,

nituˈugë jäˈäy tkapexy, niˈamukë ttsoky.

Yajˈaampy ets nan yajtuupy

mä niˈamukë jäˈäy,

ets tmoˈoy mëjwiin kajaa ja jyeˈxy pyeky.

Nbanëjkxëmë Jyobaa ja yˈijxpajtën ko

mët ja ayoobë jäˈäy nˈoyjyaˈaytyakëm tyam.

Jyobaa yajjëmbitaampy

ko nˈijtëm yäjkpëjäˈäy,

pääty oy ko xëmë nˈijtëm oyjyaˈay.

2. Nan kyaj nnijäˈäwëm nuˈunën yˈoybyëtsëmäˈäny

ko tyam nbudëjkëm ja diˈib yajtëgoyˈajtypy.

Oy ko nˈijtëm oyjyaˈay

ets oytyim pënëty mëët,

nˈoktsojkëm winë ääw winë jot.

Ets duˈun ta Lidia ttuuny, min nˈokwoˈowëm mä

jëën tëjk ja jiiky mëguˈuk, pesë Dios duˈun ttsoky.

Jyobaa yëˈë kyunuˈkxaampy

mä tiempë myiny kyëdaˈaky

ja diˈibën tyam jantsy ijtp yäjkpëjäˈäy.