1. Jehová Diosca tucui gentecunata

llaquishcamantami punllanta cuidan.

Intita huairata

yacuta cushpami

ñucanchij shunguta cushichin.

Jehová Dios shinallataj ñucanchijpish

huajchacunataca ayudashunchij.

Chashna rurajpica

Diosca ashtahuanmi

ñucanchijtaca bendicianga.

2. Shujtajcunata alli chasquishpami

achcata cꞌuyashcata ricuchishun.

Tucui shungumanta

ayudashpamari

ñucanchijpish cushilla cashun.

Lidia huarmi shina shujtajcunata

ñucanchij huasipi puzachishunchij.

Diospaj ñaupajpica

chaica valishcami,

paica mana cungaringachu.