1. Jeobá Dios nasngájma rí nagruiguáanʼlú

jma̱a̱ xúgíʼ enii xa̱bu̱ eyoo kaʼñún.

Naʼni maxtáa bi̱ jmbii

ga̱jma̱a̱ xa̱bu̱ aʼkhá,

ikhaa naʼni makuwíin tsímáá.

Gusngájma rí ni̱ndxu̱lú e̱ji̱i̱n Jeobá,

ga̱jma̱a̱ guʼyaridáá ngajua rí gíʼdoo.

Bi̱ naxnún eʼwíínʼ rí

gíʼdoo jma̱a̱ nagruigúun,

magruigú rí májánʼ náa Jeobá.

2. ¡Mú tséʼyáá ndiéjunʼ dí gárígá índo̱

ikháanʼlu nuxnún a̱ngiu̱lú rí kuaʼdáá!

Tséʼniuu má tsáá nindxu̱u̱,

xúgínʼ gúndrígúunlú.

Ikha jngó gíʼmaa rí mumbáñún.

Guʼthá xó má Lidia: “Aya náa goʼwóʼ

mbi̱ya̱a̱ jxaaʼ, xúgíʼ rí gáʼyáaʼ maraʼdáá”.

Jeobá maxnúu maxtáa

asndu kámuu mbiʼi

bi̱ nagruigúun a̱ngui̱i̱n jma̱a̱ ngajua.