OLHWIMBO 101
Erikolha Omwa Bughuma
(Abanya Efeso 4:3)
-
1. ’Mwa kihugho kighabene
Yehova athulhusyayo.
Ka thuli omwa bughuma,
Bwa thuha etseme.
Thwanze obughuma;
Kyuwene kundu.
Eby’erikolha ni bingyi
’Mwa mubiiri wa Yehova.
Ka thukolere haghuma,
N’eribya abowa.
-
2. Thukasaba obughuma
N’eribya ab’olhukeri,
Olhwanzo lhukendi kanya,
Ikyathuha tseme.
Obuholho kundu,
Bwa thutsemesya.
Thwamanza abalikyethu,
Thwasyabya omwa buholho.
Ithwakolera Yehova,
Erihika kera.
(Lebaya na Mika 2:12; Zef. 3:9; 1 Kor. 1:10.)