1. Tudu nos ta fadja txeu,

Nos é pekador.

Má simé Jeová, nos Deus,

Ta mostra-nu‿amor.

Deus ten txeu konpaxon,

El ta longa-nu mô.

Nu krê mostra mésmu‿amor

Pa kes ki ten dór.

2. Mésmu kes ki ten txeu fé

Ta frakise‿alvês.

Bons palavra ta lenbra-s

Ma Deus ta‿ntende-s.

Kes ki sta fraku ten

Spritu di Deus tanbê.

Nu krê poi na korason

Dór di nos irmon.

3. Ka nu julga nos irmon,

Má nu‿nkoraja-l.

Sen kondena intenson,

Ku amor nu fla-l:

“Forsa, Deus sta ku bo,

Bu ka ta sta bo sô;

Bu ta ganha‿es mundu mau,

Deus ta ben djuda-u.”